Ka nisur sot seanca me dyer të mbyllura për masën e sigurisë ndaj dy të arrestuarve, pas kapjes së 613 kilogram kokainë në Durrës që vinte me një kontejner nga Kolumbia.
Kapja e kontenierit me 613 kilogramë kokaine në portin e Durrësit ka çuar sot para gjykatës dy nga bashkëpuntorët që u janë bërë publike emrat. Seanca e masës se sigurisë për Armando Pezakun dhe Donaldo Lushajn.
Avokati i Lushajt, Maks Haxhiaj shprehet se nuk ka asgjë për të fshehur. “Nuk ka asgjë për të fshehur. Donald Lushaj është një punëtor që paguhet me 25 mijë lekë. Ndaluan një grup punëtorësh dhe s’kemi çfarë të fshehim”- është shprehur avokati.
Por avokati i Donaldo Lushaj, Maks Haxhia ka kërkuar që seanca të zhvillohet me dyer të hapura, pasi sipas tij nuk ka asgjë për të fshehur.
Kujtojmë se policia ka shpallur në kërkim administratorin e firmës ‘Arbi-Garden’ shpk me qendër në Manzë, Arbër Cekaj.
Përgatiti: AlpeNews.al
