Teksa procesi i numërimit të votave vijon në kutitë e fundit për të konfirmuar përfundimisht fitoren e Partisë Socialiste, vihet re se na kampin kundershtar ka “pllakosur” heshtja.
Asnjë prej aleatëve të Lulzim Bashës dhe Partise Demokratike nuk ka reaguar që prej ditës së votimit, 25 prillit duke lënë të kuptohet se në kete moment fjalët janë të pakta dhe zhgënjimi është i madh, shkruan AlpeNews.al
Kujtojmë se më herët nuk kanë qenë të rralla edhe “perplasjet” midis tyre dhe kreut të opozitës, duke veçuar këtu kreun e PAA Agron Dukën si dhe Nard Ndokën i cili vetëm 2 jave më parë shkruante: “Lulzim Basha duhet t’i tregojë vendin Edi Ramës sot, sepse nesër do të jetë shumë vonë.
Si me shumë sportivitet e ka marrë këtë përballje Lulzim Basha!”
Sipas gjaseve, për shkak të vendosjes i 8 në listen e Shkodrës, ku PD arriti te marrë 5 mandate, Nard Ndoka nuk arrin të dale si deputet por gjithçka mbetet të shihet edhe me rezultatin e kandidatëve.
Nga ana tjetër, Petrit Vasili ka kryer një veprim të papritur në llogarinë e tij në Facebbok.
Vasili ka fshirë nga llogaria e tij foton e profilit dhe të kopertinës të cilat i kishte me sloganin e LSI dhe numërin përkatës që partia e tij dhe ai kandidonin në këto zgjedhje.
Më poshtë një vështrim mbi profilet e aleatëve, pjesë te listës së PD, në rrjetet e tyre sociale. AlpeNews.al
