Numri i përdoruesve të aplikacionit Twitter është zvogëluar duke sjellë në këtë mënyrë një rënie të aksioneve me 18%.
Kjo rënie erdhi e menjëhershme në treg, pavarësisht fitimeve tremujore që pati kompania.
Numri i njerëzve që përdorin Twitter brenda një muaji ra me 1 milion më pak, ndërkohë që para tre muajsh rezultonte 335 milion.
Gjatë tremujorit, kompania kishte qenë në mënyrë aktive duke pastruar llogaritë e rreme që manipulojnë platformën dhe shefi i Twitter Jack Dorsey tha se rezultatet sollën këto ndryshime. Pjesa më e madhe e rënies ishte në Shtetet e Bashkuara të Amerikës.
Jack Dorsey tha se pritet që numri I përdoruesve të bjerë ende në tremujorin e tretë. Të ardhurat nga reklamat u rritën, duke bërë që të ishte tremujori i tretë më fitimprurës për Twitter.
“Rezultatet tona të tremujorit të dytë pasqyrojnë punën që po bëjmë për të siguruar që sa më shumë njerëz të marrin vlerë nga Twitter çdo ditë. Ne dëshirojmë që njerëzit të ndjehen të sigurt kur përdorin aplikacionin,” tha Jack Dorsey.
