Mali Huashan është e pozicionuar 120 kilometra nga qyteti i famshëm X’an në Kinë dhe është një ndër 5 malet e shenjtë të Taoizmit.
Pavarësisht vështirësive që mund të ketë për t’u përshkuar në këmbë, mijëra persona përpiqen çdo vit për të shijuar pamjen e pabesueshme të tij.
Atyre iu duhet medoemos që të ngjisin 370 shkallë të ndërtuara në mënyrë vertikale dhe me zinxhirë të varur në një shkëmb të lartë 300 metra. Këto shkallë ngjiten aq lart, sa nuk arrin as ta shohësh fundin e tyre.
Por, kjo nuk është pjesa më e vështirë e rrugës. Në të vërtetë, është më e thjeshta.
Ka shkallë të tjera që çojnë në një shteg të bërë me dru, tek i cili, meqë nuk është e detyrueshme të përdorësh disa pajisje sigurie, është shumë i rekomanduar.
Kjo pjesë quhet “Changong Zandao” dhe njihet si pjesa më e rrezikshme e rrugëtimit, për shkak të lartësisë: 4 metra lartësi dhe vetëm 76,2 centimetra gjerësi
Pas kësaj është ende një shtrirje rruge marramendëse që njihet si “Dragoi i Zi”, ndërtuar në një shkëmb të gjerë vetëm pak centimetra.
Më pas duhet të ngjisësh mure thuajse vertikalë, ku mund të mbështetesh vetëm në zinxhirë të ndryshkur dhe shkallë të vjetra.
E gjitha kjo kërkon 10 orë për t’u ngjitur.
Për më dembelët dhe më pak aventurierët, është edhe një teleferik, i cili të çon në majë përkundrejt një pagese të vogël.
