Helidon Bushati, deputeti i cili ishte i katërti në listën e Bashës për deputet në Shkodër por që hoqi dorë nga gara, ka marrë një tjetër detyrë të rëndësishme.
Lajmin e bën vetë të ditur, Bushati në një status në Facebook-un e tij, ku njofton se është votuar në Kuvend si anëtar i Komisionit të Autoritetetit të Konkurrencës.
Për ngarkimin e kësaj detyre, Bushati falënderoi kryetarin e Partisë Demokratike, Lulzim Basha dhe grupin parlamanetar të kësaj partie.
Postimi i plotë i Helidon Bushatit
Një detyrë e re që më ngarkon me përgjegjësi! Sot Kuvendi më votëbesoi dhe më ngarkoi me detyrën e anëtarit të Komisionit të Autoritetit të Konkurrencës.
Falënderime pa fund për grupin parlamentar të Partisë Demokratike dhe kryetarin Lulzim Basha, të cilët mes shumë emrash profesionistësh me integritet, zgjodhën të ma besojnë mua këtë detyrë.
Kjo detyrë më inkurajon dhe më rrit besimin të shërbej me profesionalizëm në këtë organ publik, me qëllim mbrojtjen e konkurrencës së lirë dhe efektive në treg, si një e mirë publike.
Emri im ishte propozim i grupit parlamentar të Partisë Demokratike për vendin vakant në këtë institucion, i cili ka një rol të veçantë në jetën dhe zhvillimin ekonomik të vendit.
Ndiej angazhimin ta përmbush këtë detyrë me korrektesë deri në fund.
