Ish-aktori i filmit “The Mighty Ducks”, Shaun Weiss, ka pësuar një ndryshim drastik, vetëm 230 ditë pasi ka hequr dorë përfundimisht nga alkooli dhe droga.
Përveç problemeve shëndetësore dhe pamjes së jashtme, Weiss u ndalua disa herë nga policia për shkelje të ligjit. Ndërsa para 230 ditësh, 42-vjeçari vendosi të largohet përfundimisht nga veset e tij, alkooli, por edhe përdorimi i drogës.
Ndërkohë, gjatë kësaj jave, Drew Gallagher, shoku i ngushtë i aktorit, publikoi një foto të Weiss, duke e krahasuar atë me foton kur ishte ndaluar nga policia në fillim të këtij viti.
Shaun Weiss dukej i rilindur, me një pamje e cila e tregonte atë shumë vite më të ri nga fotoja e shkrepur në muajin janar.
