Halle Berry, fustani dizenjuar nga Pamella Roland
Mbrëmjen e djeshme u mbajt në Los Angeles eventi i përvitshëm i çmimeve SAG- “Screen Actors Guild” ku ndahen çmimet për arritjet më të mira në filma dhe performanca televizive. Tapeti i kuq dukej krejt ndryshe nga ai i pak ditëve më parë, ku gratë e Hollywood-it u veshën me të zeza.
Kësaj here Vip-at, jo vetëm që rikthyen ngjyrat, por i dhanë mbrëmjes shkëlqim dhe xixa përmes fustaneve që kishin zgjedhur. Halle Berry, Margot Robbie, Nicole Kidman dhe Allison Williams e shumë të tjera, shkëlqyen me fustanet e tyre.
Kidman, e cila shoqërohej nga bashkëshorti i saj Keith Urban mbante veshur një krijim të Armani Prive, kombinuar me një palë sandale klasike, e ndërsa flokët të kapura thjesht pas.
Ajo ç’ka u vu re, ishte trendi që aktoret sollën kësaj here në tapetin e kuq, shumë shkëlqim, temina dhe ngjyra të guximshme. Siç duket dhe nga fotot, në veshjen e secilës prej yjeve nuk mungonin detajet dalluese.
Lupita Nyong’o veshur me Ralph & Russo
Për herë të parë, në vitin e saj të 24-ët, ky event u moderua nga aktorja e njohur amerikane Kristen Bell.
