Një burri nga Musselkanaal i është dhënë një dënim prej 40 orësh pune për komentin që bëri në facebook ku kërcënoi kryeministrin Rutte me vdekje.
Shtetasi shkriante në fillim të janarit ne facebook: “Vdis, ti kopil! E ke bërë Hollandën një rrëmujë. Unë kam diçka për ty, trap. 9 milimetra!”.
Mesazhi ishte në faqen personale, publike të ketij shtetasi. Kur oficerët e pyetën se çfarë nënkuptonte me 9 milimetër, ai u përgjigj: “Një armë, natyrisht”.
Me heret shtetasi ne fjale, i cili gjithashtu u dënua për kërcënime në vitin 2012, i tha gjykatësit se ai e shkruajti mesazhin mbi nxehje e sipër. Ai ka patur probleme me para për njëzet vjet dhe jeton me 40 euro në javë. “Nëse shoh se çfarë marrin azilkërkuesit këtu në Hollandë … ata po që janë mirë,” tha ai gjatë seancës.
Sidoqoftë, ai mori përgjegjësinë për veprimin e tij dhe shprehu keqardhje. “Ishte një veprim i trashë. Unë u ndikova nga faqet ne facebook anti-Rutte.”
Ankesat psikologjike
Përveç problemeve me parate, ai ka edhe probleme psikologjike. Sipas RTV Noord ai e shkruajti mesazhin kur po merrte ilaçe për një kist në kokë dhe ai sapo kishte humbur familjen e tij.
Gjykatësi mori në konsideratë situatën e tij personale. Një gjobë e vetme si dënim ishte pak por dhe një dënim me burg do ishte i tepërt për të.
Marrë nga nos.nl
