Vdekja tragjike e Erinolda Isufajt, pas një aksidenti fatkeq në autostradë, kur një bllok mermeri i një makine u shkëput për të rënë mbi makinën e saj, ka rikthyer bashkë me historinë e Adelajda Xhamanit, rastet e ndarjes së parakohëshme nga jeta të gaztearëve në Shqipëri. Raste që më së shumti nuk kanë si shkak profesionin, por sëmundjet dhe aksidentet.
Një listë kjo që fatkeqësisht sa vjen dhe shtohet. E përbashkëta e të gjithave, është se për to, sigurisht të ndihmuar edhe nga profesioni, flitet më shumë se për raste të ngjashme në profesione të tjera. Por, edhe këtu, ka diferenca. E tillë ishte rasti i Erinoldës, e cila punonte si gazetare në Televizionin kombëtar “Klan”, por që media ku ajo punonte, sipas denoncimit edhe të kolegeve të saj, mbajti një qëndrim shumë të ftohtë në raportimin e ngjarjes, sikur të bëhej fjalë për dikë krejt të panjohur për të. Ndërkohë që krejt e kundërta ndodhi me rastin e Adeljada Xhamanit, për të cilin zhurma dhe jehona vazhdon edhe sot, megjithëse kanë kaluar plot dy javë nga ndarja e parakohëshme nga jeta. Shkaku? Komercializmi, me siguri. Sepse Adelajda ishte e njohur herët publikisht për shkak të historisë së saj të bujshme në emisionin Big Brother, ndërsa Erinolda ishte thjeshtë një punonjëse e heshtur e medias, dhe e panjohur publikisht.
Më poshte, disa nga gazetarët e ndarë para kohe nga jeta:
Adelajda Xhamami , u nda nga jeta në moshën 31-vjecare. Ajo u gjet e vdekur në banesën e saj në Tiranë dhe shkak paraprak dyshohet infarkt në zemër
Enkeleida Skënderasi, vdiq në moshën 29-vjeçare. Shkak I vdekjes së saj ka qenë një aksident rrugor.
Arlinda Canaj u nda nga jeta në moshën 46-vjeçare dhe shkak mendohet vetvrasja si pasoj e deprtesionit.
Kreshnik Zeqaj ndërroi jeta në moshën 29-vjeçare nga një atak kardiak.
Andrea Stefani vdes në moshën 58-vjeçare, dhe shkak I saj ka qenë kanceri.
Agim Neza u largua nga jeta në moshën 54-vjeçare si pasoj sëmundjes së kancerit në stomak.
Sokol Olldashi vdiq në moshën 41-vjecare si pasojë e një aksidenti të rëndë me makinë.
Dritan Hoxha vdiqa në moshën 40-vjeçare , edhe ai vdiq si pasojë e një aksidenti me makinë.
Përgatiti:/AlpeNews.al/
