Viti 2021, duket se ka qenë i mbarë per të gjithë shqiptarët që janë bere pjesë të historive të suksesit në mbarë globin.
Dikush nga karriera, dikush nga politika e dikush nga sporti ato ia kanë dalë të shkëlqejnë ne fushat e tyre duke mos harruar ne asnjë moment të permendin edhe origjinën.
Kujtojmë se behet fjalë per personazhe të panjohur më parë, deri në kulminacionin e tyre pergjatë vitit 2021.
AlpeNews.al ju sjell disa prej tyre që na bënë të ndihemi krenarë.
Nensi Dojaka, fituese e çmimit prestigjioz të Fondacionit Louis Vuitton për stilistët e rinj!
Xhulia Kurti, studentja e shkencave kompjuterike fiton çmimin e dytë në botë për shpikjet e reja të teknologjisë. Ne rastin e saj, interneti pa Wifi.
FORBERS rendit shqiptarin Geri Çupi bashkëthemelues i kompanisë “MonoChain”, ndër të rinjtë më vizionarë!
Pranvera Hyseni, shqiptarja që fiton çmimin ndërkombetar për astronomi “Michael D. Reynolds”!
Liridona Koxha vlerësohet si studentja më e mirë në Universitetin e Mjekësisë në Danimarkë.
Safet dhe Musa Avdimetaj, janë dy vëllezër shqiptarë të shpallur kampionë boksi në Gjermani.
Një shqiptar shënon historinë, zgjedhet deputet në Parlamentin e Friburgut! Me 2 878 vota, Ibrahim Berisha arriti të hyjë në histori si shqiptari i parë i zgjedhur në këtë post, pas zgjedhjeve më 7 mars ne Zvicër.
Miradije Rama, shkencëtarja e parë shqiptare e Gjeologjisë në Finlandë!
Eva Millona, shqiptarja e parë që emërohet në nivelin më të lartë të administratës në SHBA! Eva është tashmë Ndihmës Sekretare në Departamentin e Homelande Security.
Jon Matiani, oficeri dhe inxhinieri shqiptar, që bëhet pjesë e marinës amerikane!
Gertta Miftari shpallet nga Ministria e Arsimit në Gjermani si një nga personat me inteligjencën më të lartë në vend.
Eklent Kaçi, 22 vjeçari shqiptar që u shpall kampion bote në bilardo, në turneun e zhvilluar në Las Vegas!
Plarenta Deshishku, shqiptarja që është pjesë e kompanisë “Meta”!
Diamant Salihu, shqiptari i nominuar për Çmimin e madh të Gazetarisë në Suedi!
Dritan Beqa, kampioni shqiptar në matematikë, që u rendit në vendin e parë në Berlin!
