Francesca Pascale për 9 vite ka qenë e fejuara e Silvio Berlusconit.
Ata u ndanë pak muaj më parë, pasi Berlusconi nisi një lidhje me një deputete të partisë së tij.
Pas lidhjes së re, mediet italiane shkruan se Berlusconi i dha ish-të fejuarës 20 milionë euro, për ndarje konsensuale.
Por, ndërsa kjo histori ishte “harruar”, Pascale ka përfunduar sërish në faqet kryesore të mediave italiane.
Kjo, për shkak se ajo është fotografuar duke kaluar pushimet me këngëtaren 55-vjeçare Paola Turci.
Këngëtarja italiane ka qenë e martuar dhe është divorcuar kohët e fundit.
Dy femrat e famshme italiane janë fotografuar duke shkëmbyer puthje me njëra-tjetrën dhe duke dalë disa herë nga shtëpitë e njëra-tjetrës.
Kjo histori ka trazuar rrjetin në Itali, për faktin se deri pak muaj më parë ato ishin të lidhura me meshkuj, ndërsa tani fare papritur kanë nisur një lidhje lesbike.
