Nga “mbreti i vjedhjeve” në vullnetar në një famulli. Ky është rasti i 29-vjeçarit, Avram Shkelzer i njohur me nofkën “Drakula”. 29-vjeçari ishte kreu i një bande hajdutësh shqiptar dhe italianë, të cilët mes viteve 2015-2017 kanë vjedhur dhjetëra banesa në Rivergaro, Piacenza dhe Podenzano.
Shkelzer që prej muajit dhjetor të 2017 ishte në arrest shtëpie. Ai kishte marrë dy dënime; ishte dënuar me 3 vite e gjashtë muaj pasi akuzohej për disa vjedhje në Valtrebbia. Më pas në nëntor të 2018, shqiptari u dënua me procedurë të shkurtuar me 6 vite e 4 muaj. Për këtë dënim të fundit, mbrojtja ankimoi vendim.
Gjykata e Apelit e Bolonjës, pranoi kërkesën e avokatit mbrojtës Mauro Pontini dhe nga dënimi me burg u kthye në shërbim vullnetar në një famulli të Romagës. Prifti dha dakordësinë e tij dhe tani “Drakula” do të ndihmojë në famulli dhe do të shpërndajë ushqimet në një kuzhinë.
