Historia e Babales nisi nga publikimi i videos, nga deputetët Salianji, Alibeaj dhe Gazmend Bardhi, e cila u bë një temë shumë e rëndësishme e politikës dhe medias muajt e fundit. Fillimisht, deputetët deklaruan se përgjimi ishte bërë nga gazetarë . Nga ku më vonë doli edhe emri i gazetarit i cili ishte Jetmir Olldashi. Sot u aludua se ai ka qenë edhe punonjës i SHISH-it.
Sipas hetimeve, gazetari ka kontaktuar deputetin Ervin Salianji në selinë e partisë demokratike dhe i ka rrëfyer ngjarjen.
Roli i Albert Veliut i njohur si “Babalja”:
Albert Veliu nga Vlora, deklaroi se ishte trafikant. I dënuar me vendim të formës së prerë të gjykatës italiane të Peskarës. Deklaroi gjithashtu se ishte arrestuar në 2005 me 12 kg kokainë, se kishte kryer burgun në Itali. E ishte shumë qejfmbetur, që Agron Xhafaj nuk i shkoi asnjëherë në burg.
“Fundit” i tij erdhi kur pas dërgimi te ekspertizës së audio-përgjimit në Angli e më pas rezultatet nxorën se audio-përgjimi ishte i montuar.
Personi i cili mendohej se ishte zëri i Agron Xhafës doli se se ishte kunati i “Babales” ose Albert Veliut. Emri i të cili ishte Fredi Alizoti.
Ai u arrestua nga policia dhe nga deklarimet e bëra në prokurori pranoi se ishte ai që kishte imituar Agron Xhafën. Pas kësaj bëri deklaratën e forte kur tha se deputeti Ervin Salianji I kishte premtuar 200 mijë euro për të dhe Albert Veliun.
Si u mbrojt Salianji në lidhje me akuzat e Alizotit.
“Është një personazh i nxjerrë pas publikimit. As gazetari Olldashi nuk e njihte fare.
Ku faktohen këto që thotë Alizoti dhe për më tepër me persona që nuk kam asnjë lidhje fare.
Akt ekspertimi britanik thotë që regjistrimi video është marrë nga pamjet e mediave. Ne nuk i kemi dhënë pamjet e mediave prokurorisë”, u shpreh deputeti i PD.
/AlpeNews.al
