Alfred Muharemi, i riu i SOS Fshatrave të Fëmijëve Shqipëri është nominuar në tetë finalistët e çmimit ndërkombëtar Hermann Gmeiner Award 2020.
Alfredi, është rritur pa kujdesin prindëror, së bashku me motrat e vëllezerit e tij SOS. Ai ka realizuar mjaft projekte humane dhe sociale me ndikim për fëmijët pa kujdes prindëror ne vend.
Dëshira e Alfredit, është që këtë çmim ta sjellë në Shqipëri, për të dhënë mesazhin se ky vend është me tradita të hershme humane. Vetë jeta e Alfredit ka ndryshuar falë humanizmit.
Prandaj, ai i bën thirrje të gjithëve të votojnë, për të valvitur flamurin kuq e zi.
Kjo është hera e parë që Shqipëria në 70 vite të themelimit të SOS Kinderdorf Internationale, rrjet i shtrirë në 136 shtete dhe 559 Fshatra SOS, kualifikohet në finalen e madhe.
