Në Grabian të Lushnjës, Franci është një tjetër shembull suksesi i punës në bujqësi. Ai ka studiuar arkitekturë, por “ndërtimi” i tij është një sipërfaqe plot 200 hektarë, e mbjellë me kultura të ndryshme bujqësore që eksportohen në tregun e jashtëm.
Kryeministri Edi Rama ka publikuar pamje nga sipërfaqet e tokave bujqësore tërësisht të punuara dhe mbjella, që duken si një tablo e pikturuar shumë bukur.
“Grabian, Lushnjë. Këto pamje fantastike nga ajri që ngjajnë si të pikturuara me dorë mbi telajon e një artisti, janë fryt i i punës dhe pasionit të një të riu, i cili jeton me dashurinë për tokën”, shprehet Rama.
“Franci ka studiuar arkitekturë, por “ndërtimi” i tij është një sipërfaqe plot 200 hektarë, e mbjellë me kultura të ndryshme që eksportohen në tregun e jashtëm, falë punës së palodhur që rrezaton modelin frymëzues të shqiptarit të mirë, këmbëngulës, pasionant”- thekson Rama.
Franci tregon se ka mbi 15 vjet bashkë me babain e tij që punojmë në këtë sipërfaqe toke dhe kultivojnë produkte të ndryshme bujqësore, por gruri është kultura bazë.
Ai thotë se sipërfaqet e tokës i kanë marrë me qira tek fermerët e zonës dhe në fermën e zgjeruar që kanë krijuar tashmë, kanë rritur numrin e të punësuarve si dhe të ardhurat ekonomike. Ndërsa prodhimet nga ferma e tij eksportohen në Serbi, Mal të Zi, Kosovë ndërsa furnizon intensivisht tregun vendas.
“Ambicia ime është të punojë dhe të mos e lë asnjë metër tokë pa punuar dhe asnjë moment të pa kultivuar dhe shfrytëzuar potencialet e prodhimit bujqësor që ofron Grabiani”, shprehet Franci.
Franci është përfitues dy herë nga Skema e Mbështetjes. “Skema Mbështetëse më ka dhënë ndihmë për meremetime në serra, mekanikë bujqësore dhe rritje të prodhimit”, shprehet Franci.
RESPEKT🙏Grabian, Lushnje – Këto pamje fantastike nga ajri që ngjajnë si të pikturuara me dorë mbi telajon e një artisti, janë fryt i i punës dhe pasionit të një të riu, i cili jeton me dashurinë për tokën 🌱🌿🌾🌻Franci ka studiuar arkitekturë, por "ndërtimi" i tij është një sipërfaqe plot 200 hektarë, e mbjellë me kultura të ndryshme që ekportohen në tregun e jashtëm, falë punës së palodhur që rrezaton modelin frymëzues të shqiptarit të mirë, këmbëngulës, pasionant🙏👌🏻
Gepostet von Edi Rama am Mittwoch, 5. August 2020