Fshati i Miejsce Odrzanskie në jug të Polonisë, është bërë i njohur për një fakt krejt të vecantë. Prej 10 vitesh në të lindnin vetëm foshnje të gjinisë femërore, por më në fund, fshati u shtua me një djalë.
Edhe pse me një popullsi prej 300 banorësh, vendi u i famshëm në të gjithë Poloninë, por dhe përtej saj kur kryeplaku ofroi shpërblim për çiftin e parë që do të sillte në jetë një djalë.
“Është lajm i mrekullueshëm, sidomos në këto kohë koronavirusi. Çdo lindje është e veçantë, por kjo na jep shpresë për të ardhmen. Bartek nuk është thjesht një djalë, por një djalë nga Miejsce Odrzanskie”, u shpreh kryeplaku për “The First News”.
Ashtu si shumë të tjerë përreth, fshati ka pasur rënie të vazhdueshme të popullsisë, pasi vajzat e reja largoheshin për të gjetur partnerë dhe të krijonin familje në qytete të mëdha.
Sakaq, autoritetet por dhe vetë studiuesit që shkuan atje për të vëzhguar situatën nuk japin dot asnjë shpjegim se pse nuk ka pasur asnjë lindje djali që nga viti 2010.
