Narcos, Starnger Things, Breaking Bad, Dark dhe… Juventus. Po, duke filluar nga ky moment, Juventus është pjesë e botës së Netflix, shtëpia e serialeve televizive më të mira të momentit, ku mund të shihen edhe filma apo dokumentare.
“FIRST TEAM: JUVENTUS” është titulli i dokumentarit me seri të bërë rreth bardhezinjve. dhe në fakt ata janë skuadra e parë që bashkëpunon me një platformë të tillë. Tri seri do të jenë në dispozicion që nga dita e sotme, tri të tjera do të vijnë në verë, për të jetuar sezonin që Buffon me shokë po jetojnë, edhe një herë, si protagonistë.
Gjithçka nis me fotografinë e skuadrës, që sinjalizon edhe fillimin e sezonit të ri. Në zhurmën e zërave të skuadrës që zbret nga autobusi, batuta e parë, e qartë dhe e pastër, është ajo e Massimiliano Allegri-t: “Djema, kollaret”. Rregull në fushë, rregull jashtë saj. Shaka për Cuadrado-n, Dybala që qesh, Higuain që largon një top i veshur bardhezi. Më pas, papritur, imazhet të së kaluarës:
Bonucci që feston kundër Crotone-s (dhe zëri i narratorit që, gjatë prezantimit të Matuidi, shpjegon “Duhet të kompensohet mungesa e atyre mbrojtësve të mëdhenj që nuk janë më me skuadrën”), Alex Sandro që shënon, Buffon dhe Dybala që dëshpërohen në Kardif dhe Champions League e radhës që humbet dhe më pas… e tashmja.
Villar Perosa, miqësorja me ekipin e dytë të bardhezinjve dhe fjalimi i Andrea Agnelli-t: “Kampionët më të mëdhenj të së kaluarës kanë luajtur në këtë fushë, Sivori, Baggio, Del Piero”, duke shtuar më pas se: “Është e rëndësishme që të mos përgatitemi duke menduar vetëm për Champions League, do të ishte gabimi më i madh që mund të bënim”. Ajo Champions, që kthehet gjithmonë, si një fiksim.
