Ish deputeti i PS-së Vladimir Kosta ishte paraditen e sotme në ambientet e Prokurorisë së Posaçme.
Bëhet me dije nga gazetarja Keti Banushi se Kosta u pyet në SPAK nga prokurorët për hetimet që po kryhen ndaj kryebashkiakut Erion Veliaj, që ndodhet në paraburgimin e Durrësit prej 10 shkurtit.
Kosta njihet gjithashtu dhe si pronar i ‘SKy Tower’ në ish-bllok, pallati ku ndodhen dhe zyrat e OJF-së ‘Harabel’ e bashkëshortes së Veliajt, Ajola Xoxa.
Pas daljes nga SPAK, Kosta nuk dha shumë sqarime për çarë u thirr në SPAK dhe për se u pyet, megjithatë u shpreh se aq sa dinte aq edhe foli.
