Numri i njerëzve të helmuar nga uji i ndotur në krahinën e Basrës në Irak ka arritur në 111.000 persona.
Ky fakt është bërë i i ditur nga mediat vendase, të cilat citojnë deklaratat e të dërguarit të OKB-së, Mehdi Tamimi.
Ato raportuan në gusht se 17,000 njerëz duhej të shtroheshin në spital, pasi uji i pijshëm i shpërndarë nga rrjeti publik i ujit ishte i ndotur.
Sipas transmetuesit “Al Sumaria”, Tamimi i bëri thirrje qeverisë qendrore dhe autoriteteve lokale në Basra të sqarojnë qëndrimin e tyre mbi problemin dhe të ndërmarrin veprime urgjente.
Protesta masive shpërthyen në Basra në korrik dhe një nga kërkesat e tyre ishte pikërisht gjetja e një zgjidhjeje për krizën e ujit.
Krahas kësaj kërkese, ata i bënë gjithashtu thirrje qeverisë që të trajtojë çështjen e papunësisë dhe mungesën e energjisë elektrike.
