Me batuta është shoqëruar takimi i kryeministrit Edi Rama me familjen Qordja në Farkë. Kjo familje me katër kurora ka përfituar 4 shtëpi të ndara, që për kryeministrin Edi Rama është tregues i premtimit të mbajtur.
Rama: Hë e mbajtëm fjalën?
Kryefamiljari, ish-kreu i PD-së në Farkë: Po çuditërisht po (të qeshura nga të gjithë)
Teksa po shikonin shtëpitë e rindërtuara pas tërmetit të 26 nëntorit, një prej anëtarëve të familjes Qordja vlerësoi punën e kryebashkiakut Erion Veliaj, por Rama nuk ia kurseu përgjigjen.
Qytetari: Erion Veliajn e ke të fortë!
Rama: Po ç’e pyet.
Kryeministri Rama u ul të bisedonte me anëtarët e kësaj familje në oborrin ende të pa përfunduar, që ua la detyrë djemve të shtëpisë. Në atë moment, kuptoi që maskën me logon e PS e kishte mbrapsht. Edhe këtu pati të qeshura.
Rama: Po pse s’the që e kam vënë PS te maksa mbapsht apo kshu e do ti
Qytetari: Unë s’e dija që ishte e PS-së ajo,
Në fund ka një kërkesë. “Do vij të pi një gotë raki kur të bëhet baçja”, tha Rama.
Në natën e 26 nëntorit, familja e madhe Qordja humbi shtëpinë e vjetër ku jetonin së bashku 4 kurorë dhe sot ata hynë në 4 shtëpi të reja që ndërtuam në truallin e tyre, ku me kopshtet e vogla përreth është krijuar një oaz fantastik nga rrënojat e 11 muajve më parë
“Duam tju falenderojmë, shumë i kënaqur dhe ne të gjithë jemi të kënaqur për punën që është arritur”, tha Çimi, ish-kreu i PD në Farkë.
