Nga llogaritjet hidrologjike të IGJEUM-i, rezulton se sot dhe nesër do të vazhdojë ulja e prurjeve nga lumi Vjosa. Lumenjtë e tjerë në të gjithë territorin do të kenë prurje normale dhe nuk paraqesin rrezik.
Lumi Buna dhe Liqeni i Shkodrës do të vazhdojnë të kenë prurje dhe nivele të larta të cilat do të varen nga Kaskada mbi Lumin Drin.
Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.
Sot pasdite dhe nesër, kryesisht në pjesën e parë të ditës së enjte, priten reshje të dobëta në shumicën e qarqeve dhe mesatare, deri lokalisht intensive në 4 qarqe (siç tregohet në tabelë, respektivisht për secilin qark).
Në Veri priten reshje dëbore në 900m mbi nivelin e detit, por në zona të kufizuara edhe më poshtë se ky nivel.
Nesër temperaturat minimale dhe maksimale të ajrit pritet të arrijnë:
në bregdet: 9 / 14
në vendet e ulëta: 6 / 13
në vendet malore: 0 / 8 °C.
ERA: sot (e mërkurë, dt.07) pritet të fryjë e lehtë deri mesatare, ndërsa në bregdet deri e fortë, ndërsa nesër (e enjte, dt.08) do të fryjë e lehtë deri mesatare në bregdet.
Për më shumë:
