Kryeministri i Kosovës, Ramush Haradinaj i ndodhur në Tiranë në një aktivitet, i ka kërkuar Europës që të hapë negociatat me Shqipërinë dhe të liberalizojë vizat me Kosovën.
“Europa tani duhet të hapë negociatat me Shqipërinë. Europa duhet t’i japë liberalizim popullit të Kosovës. Njërit nuk i jepet mundësia e lirisë, ose i vonohet apo i ka shkuar shumë kohë e gjatë që negociatat t’i japin statusin e barabartë dhe të lirë në familjen e popujve. Dhe tjetrit, Kosovës, i vonohet e drejta të lëvizë lirshëm në territorin e vet, në këtë rast në Europë. Ne do të punojmë për ato vlera që kemi interes jetik, për ato interesa që janë strategjike për shqiptarët”.
Shqipëria pret një vendim pozitiv në fund të qershorit për hapjen e negociatave, ndërsa për Kosovën pritet që në fund të vitit të liberalizohen vizat.
