Në mbledhjen e sotme të Komisionit të ligjeve është ngritur debati për autoritetin dhe hapjen e dosjeve.
Deputeti i LSI, Edmond Panariti, u shpreh se është e nevojshme hapja e dosjeve pasi “ne duhet t’i përgjigjemi interesit të madh publik.
Është domosdoshmëri plotësimi i strukturës dhe restaurimi i godinës, është thënë në këtë mbledhje, nga Gentjana Sula, Kryetare për Autoritetin për hapjen e dosjeve.
“Kemi informacion te klasifikuar duam siguri dhe kamera. Duam Sigurim fizik të informacionit te klasifikuar. Duam shpenzime operative. Ne kërkojmë një fond pagash të shtohet me 45 milionë lekë, ne kërkojmë mallra shërbime 5 milionë lekë për të garantuar sigurinë. Sa i përkët kapitaleve të trupëzuara të brendshme ne kërkojmë 230 milionë lekë dhe përfshijnë investim dhe dixhitalizim. Është ofruar 18 mln lekë paga ne kërkojmë plus 45 milion lekë. Është ofruar 13 mln lekë mallra shërbime, ne kërkojmë plus 5 mln lekë. Për kapitale të trupoëzuara na është dhënë vetëm 2 mln lekë në kërkojmë 230 mln lekë. Duken shumë, është viti i parë, por pa këto eficenca është në diskutim”, është shprehur Sula.
Përfaqësuesi i ministrisë së Financave tha se Autoritetit i janë shtuar 10 veta si staf, ndërsa fokusi mbetet ndërtesa.
Anëtari i Partisë Demokratike, Enkelejd Alibeaj, tha se për të tilla çështje do të kërkohet llogari.
Alibeaj: “Të mos vijmë këtu e të bëjmë parlament. Institucionet e pavarura duhet të jenë të kostuara që kur jeni formuar. Ne nuk ju japim mjetet që ju të bëni punën, dhe ne do vijmë t’ju kërkojmë llogari: Sa njerëz kërkoni që të bëhe puna, sa lekë kërkoni për punë, sa lekë ju është ofruar nga ministria?
Më pas ka ardhur edhe reagimi i Kelmend Zgurit i cili është shprehur se buxheti sipas KQZ është i mjaftueshëm, dhe se nuk ka nevojë të ndryshojë.
Përgatiti: AlpeNews.al
