Smartfonët janë bërë tashmë një “histori e lexuar”, sapo del i fundit, njerëzit përgatiten për të ardhshmin, i cili do sjellë të tjera risi dhe tjetër çmim.
iPhone X ishte një “ngjarje” e madhe që ngazëlleu shumë admirues të teknologjisë, ku padyshim pati edhe nga ata që u zhgënjyen prej tij.
Por, nëse akoma nuk keni blerë X-in, atëherë përgatituni sepse Apple së shpejti do lancojë iPhone X Plus.
Linja e re e iPhone është në rritje e sipër dhe të gjitha raportet e deritanishme tregojnë se në mesin e 3 iPhonëve të rinj do të jetë edhe një model super i madh me 6.5 inç.
Në sajë të një thyerje të të dhënave nëpërmjet blogut brazilian të Apple iHelpBR, modeli 6.5 inç duket se është konfirmuar, me telefonin gjigant që duket se funksionon shumë si një iPad kur është fjala për shfaqjen e përmbajtjes në aplikacion, shkruan BGR. Shpallja vjen nga një zbulim i bërë nga iHelpBR gjatë testimit të versionit të pestë të iOS 12 për zhvilluesit. Duke detyruar Xcode iOS Simulator Apple për të drejtuar këtë version të fundit të iOS 12 në rezolutën shumë të përfolur të iPhone 6,5-inç – 2,688 x 1,242 – modulet e peisazhit dhe ndërfaqet e aplikacioneve papritmas u hapën.
Sipas iHelpBR, kjo nënkupton që Apple është duke punuar në një iPhone edhe më të madh.
Lajmi që vjen nga hakerët tregon se Apple po planifikon në ekrane shumë më të mëdha se ato të instaluara në iPhone X dhe iPhone 8 Plus të vitit të kaluar.
