Sot është mbajtur seanca e parë gjyqësore për kreun e PDK-së, Kadri Veseli, i cili akuzohet për: Përndjekje, burgosje, akte të tjera çnjerëzore, torturë, vrasje dhe zhdukje me forcë dhe 4 akuza të tjera për krime lufte, ndalim arbitrar, trajtim mizor tortura dhe vasje e paligjshme.
Gjatë leximit të dokumenteve gjykatësi special tha se Veseli është arrestuar më datë 5 nëntor 2020 dhe po atë datë është transferuar në dhomat e paraburgimit në Hagë.
Këtë gjë e ka kontestuar avokati i Veselit z.Emerson, i cili tha se ai është vetëdorëzuar vullnetarisht në prani të avokatit dhe nuk është arrestuar.
“Doja të shënohej në procesverbal doja të përmendej se ju si gjykatës dhe publiku duhet ta dijë se z.Veseli erdhi në gjykatë në bazë të një marrëveshje për të ardhur vullnetarisht dhe dorëzimi i tij u bë përmes avokatit”, tha Emerson.
Gjykatësi special: Keni gjë për të shtuar z.Veseli?
Kadri Veseli: Jo nuk kam asgjë tjetër t’i shtoj deklaratës së avokatit tim.
