Teksa duket se tashmë e kemi lënë pas Covid-19, ende vijon diskutimi në lidhje me efektet e vaksinave kundër virusit.
Një studim i fundit ka arritur në përfundim se personat që nuk janë vaksinuar, janë më të rrezikuar të kryejnë një aksident rrugor. Studimi është botuar këtë muaj në “The American Journal of Medicine”.
Gjatë verës së vitit 2021, studiuesit kanadezë ekzaminuan të dhënat e koduara të mbajtura nga qeveria të më shumë se 11 milionë të rriturve, 16% e të cilëve nuk kishin marrë vaksinën kundër COVID.
Ata zbuluan se njerëzit e pavaksinuar kishin 72% më shumë gjasa për t’u përfshirë në një aksident të rëndë trafiku, në të cilin të paktën një person u transportua në spital – sesa ata që ishin vaksinuar
Rreziku i tepërt i përplasjes së makinës nga drejtuesit e pavaksinuar “tejkalon përfitimet e sigurisë nga përparimet moderne të inxhinierisë së automobilave dhe gjithashtu imponon rreziqe për përdoruesit e tjerë të rrugës”, shkruan autorët.
Sigurisht, të anashkalosh një vaksinë kundër COVID nuk do të thotë që dikush do të përfshihet me patjetër në një aksident me makinë. Në vend të kësaj, autorët teorizojnë se njerëzit që u rezistojnë rekomandimeve të shëndetit publik mund të “neglizhojnë udhëzimet bazë të sigurisë rrugore”.
Pse do të injoronin rregullat e rrugës? Mosbesimi ndaj qeverisë, besimi në liri, keqkuptimet e rreziqeve të përditshme, “besimi në mbrojtjen natyrore”, “antipatia ndaj rregullimit”, varfëria, keqinformimi, mungesa e burimeve dhe besimet personale janë arsyet e mundshme të propozuara nga autorët.
Gjetjet janë mjaft domethënëse saqë mjekët e kujdesit parësor duhet të marrin në konsideratë këshillimin e pacientëve të pavaksinuar për sigurinë në trafik – dhe kompanitë e sigurimeve mund të bazojnë ndryshimet në politikat e sigurimit në të dhënat e vaksinimit, sugjerojnë autorët.
