Ish-deputeti i LSI Petrit Vasili u bën thirrje besimtarëve myslimanë që të bëjnë Faljen e Bajramit ditën e dielë.
Përmes një statusi në faqen zyrtare të tij, Vasili thotë se besimtarët nuk duhet t’i binden Ramës sepse s’mund të ketë dy palë rregulla, një për popullin dhe një për Ramën, referuar lajmërimit të kryeministrit për izolimin e vendit edhe këtë fundjavë.
“Mos ju bindni, bejeni Faljen e Bajramit!!
Edi Rama me 1500 police sup me sup dhunoi te djelen me 17 maj te gjitha rregullat e pandemise per te prishur Teatrin. S’mund te guxoje te ndale Faljen e Bajramit.
S’ka dy pale rregulla nje pale per popullin nje pale per Edi Ramen. Akti Nornativ ka zero vlere, se zero e beri vete Edi Rama.
MOS JU BINDNI!!
Ky eshte mashtrim s’ka asnje lidhje me pandemine!! Ky eshte gjynah qe s’ka falje!!
Besimtare myslymane bejeni Faljen e Bajramit”, shkruan Petrit Vasili.
Kujtojmë se, mbrëmjen e sotme kryeministri Rama lajmëroi se fundjava do të jetë sërish e mbyllur, si fundjava e shkuar. “Kjo fundjavë do të vijojë njësoj si e shkuara. Ta kaloni sa më qetë”, shkruante kryeministri Rama, në një kohë kur të gjithë qytetarët prisnin që nga kjo fundjavë masat kufizuese të hiqeshin në gjithë vendin pasi këtë fundjavë mbyllet dhe Muaji i Shenjtë i Ramazanit dhe ditën e dielë kryehet Falja e Bajramit.
