Aktori i njohur Neritan Liçaj thotë se “më mirë voton Hitlerin, se sa Edi Ramën” gjatë një video mesazhi ku është shfaqur i revoltuar për akuzat ndaj Lulzim Bashës për hetimin e UÇK-së.
“Edhe Hitleri të vijë, ia jap votën. Edi Ramës jo. Pse se Hitleri kishte budallallëkun e vetë, por Gjermaninë e ngriti”, u shpreh Liçaj.
Ai më tej tha se akuzat ndaj Bashës për hetimin e UÇK-së janë absurde, pasi është njësoj si “Serbia të vendoste një serb për hetimin e Millosheviçit”, që sipas tij është e pallogjikshme.
“Basha është zorëri, siç duhet një kryeministër të jetë”, u shpreh artisti i Aleancës kundër Shembjes së Teatrit.
Liçaj gjithashtu tha se Joe Biden humbi zgjedhjet presidenciale në SHBA, por ato u vodhën nga Republikanët. Ai gjithashtu akuzoi kryebashkiakun Erion Veliaj dhe qeverinë e Ramës se kanë ndërtuar simbolin e “Iluminatit” në Sheshin Skënderbej.
