E kur jemi te mediat, ajo është pjesë e tyre shpesh, me ç’rast tregon për të rejat nga jeta profesionale e saj dhe më gjerë. Krahas risive dhe gjërave tjera rreth karrierës, së fundmi gjatë një interviste, Leonora Jakupi ka folur edhe për zhveshjen, e cila viteve të fundit ka hyrë në modë së tepërmi.
Në emisionin ”Mirage” ajo u pyet edhe për atë se si Leonora i ka mbijetuar zhveshjes, për të cilën ajo tha se kur nuk e ka bërë në kohën e rinisë së hershme nuk do ta bëjë kurrë as sot. ”Nuk e kom konsideru që zhveshja mund të jetë pikë e fortë për një artist”, tha Leonora, duke shtuar se nuk është kundër saj, pasiqë secili zgjedh mënyrën e vetë se si të prezantohet, derisa tha se ka pasur karakteristika tjera që kanë qenë shumë më të forta se ajo.
”Për mu s’ka qenë e nevojshme dhe s’do të jetë asnjëherë”, tha Leonora.
Ndryshe, projekti i fundit i Leonora Jakupit është ”Pa asnjë dyshim”, i cili u pritë mirë nga publiku.
