Trajneri i Manchester City-t Pep Guardiola i ka thurur elozhe sulmuesit Sergio Aguero teksa kryesuesit e Premier League kanë shkatërruar Leicester City-n të shtunën.
Aguero ka shënuar katër gola në fitoren 5-1 ndaj Dhelprave.
Aguero i shënoi të katër golat gjatë pjesës së dytë në Etihad, duke rritur diferencën me vendin e dytë në 16 pikë, dhe Guardiola nuk kishte si të mos ishte i kënaqur.
“Sergio Aguero është një talent i madh brenda zonës, mundohemi të krijojmë sa më shumë raste për golat që ai shënon, dhe ai nuk zhgënjen asnjëherë. Urime pasi nuk është e lehtë të shënosh katër gola,”shprehet Pep për Match of the Day.
“Ishte e vështirë të luaje ndaj tyre në pjesën e parë, por në pjesën e dytë gjetëm më shumë hapësirë me lojtarët anësorë. Në përgjithësi ishte një paraqitje e mirë ndaj një skuadra të mirë.
“Këshilla ime për lojtarët është të mos mendojmë se sa ndeshje na kanë mbetur, por të mendojmë vetëm për ndeshjen e radhës. Sa herë që kemi lënë pikë kemi fituar ndeshjen e radhës, diçka shumë e rëndësishme.
“Të ruash qëndrueshmërinë është shumë e rëndësishme. Nëse fitojmë titullin do të jetë diçka shumë e veçantë për ne.”
