E ardhmja e Griezmann vazhdon të mbetet e paqartë, pas zërave të shumtë verën që lamë pas se kërkohet me ngulm nga Manchester United.
Antoine Griezmann ishte afër transferimit në Premierligë verën që lamë pas, por në fund vendosi të qëndrojë te Atletico Madridi për shkak të dënimit që mori klubi i Diego Simeones, që nuk ka të drejtë të blejë lojtarë deri në janar 2018.
Se Griezmann do të largohet nga Atletico, kjo tashmë sipas mediave franceze dihet, por ku do të shkojë? Real Madrid, Barcelona, Manchester United e Paris Saint Germain – janë katër skuadrat që ëndërrojnë për francezin.
“Do të ishte diçka si në ëndërr një treshe Neymar, Mbappe e Griezmann? Po”, u përgjigj talenti francez për “Telefoot”, duke ngjallur polemika të shumta, pasi PSG-ja insiston për ta kthyer në vendlindje Griezmannin.
Ndërsa i pyetur nëse kontakton me Jose Mourinho, Griezmann u përgjigj: “Ju telefonon Mourinho? Jo”.
Griezmann do të largohet nga Atletico gjatë verës 2018, ndoshta edhe në janar – por kush do të ketë fatin t’i sigurojë shërbimet e francezit, Reali, Barça, PSG-ja apo Unitedi? Kjo mbetet të shihet.
