Në fillim-vitet ’90, kompania SOE paraqiti planin ambicioz për ndërtimin e kompleksit “Dionisos”, në Sitia, Kretë.
Kompleksi nisi të ndërtohet, por shumë shpejt pati zënka midis sipërmarrësve, pasi plazhi Analuka, përballë kompleksit, u pa se mblidhte shumicën e plehrave që hidheshin në detin Egje.
Sasi të mëdha mbeturinash, kryesisht plastike, shtyheshin nga erërat dhe rrymat e forta e mblidheshin në këtë vend, duke prishur planet e ndërtuesit për të oftuar pushime të këndshme buzë detit.
Pronarët po përpiqen ta rikthejnë në jetë, por duket aventurë e vështirë. Pavarësisht përpjekjeve të shumta për ta pastruar plazhin, edhe nga WWF, organizata botërore për ruajtjen e botës së egër, plazhi mbetet më i ndotur se kurrë.
