Shpërthen makina e Konsullatës së Përgjithshme të Shqipërisë në Greqi. Dyshohet se është djegur pas mesnatës. Mediat greke raportojnë se makina ka shpërthyer me bombë artizanale, teksa ka qenë e parkuar para Konsullatës, në rrugën Psara në Touba, Selanik.
Ngjarja është shënuar rreth orës 02:30, ndërsa nga zjarri janë shkaktuar dëme materiale në automjet. Zjarrfikësit kanë ndërhyrë menjëherë, duke shuar flakët, ndërsa kanë nisur hetimet nga autoritetet për të zbardhur shkaqet e ngjarjes.
