Është grabitur dyqani i një pike celularësh në qendër të Gjirokastrës, ku disa persona kanë prekur kasafortën e të hollave por nuk dihet vlera e vjedhur.
Ngjarja ka ndodhur orët e para të mëngjesit më pas grabitësit janë larguar menjëherë me makinë, ndërkohë gjithçka është kryer kur patrulla e policisë ka qenë jo më larg se 100 metra.
Grabitësit kanë punuar me doreza në duar për të mos lënë shenjat e gishtave.
Gjithçka është filmuar nga kamerat e sigurisë të dyqanit, ndërkohë policia ka shkuar menjëherë në vendin e ngjarjes dhe po punon për identifikimin e dhe kapjen e autorëve.
