Gjykata për Krime të Rënda la në burg pa afat Ragip Hajdinin, kosovarin e arrestuar disa ditë më parë si pjesë e grupit të grabitësve të Rinasit.
Hajdini është identifikuar nga Alkond Bengasi, ndërsa konsiderohet si njohje dhe mik i Admir Muratajt.
Ai u paraqit sot par Gjykatës së Krimeve të Rënda për t’u njohur me masën e sigurisë.
Nga ana tjetër, Policia ka vazhduar operacionin për gjetjen e parave të grabitura, duke kryer kontrolle në disa objekte për të cilat ka pasur indicie. Megjithatë, deri tani ende nuk janë gjetur as paratë dhe as ndonjë provë tjetër që të mbështesë dëshminë e të penduarit. Burimet thanë se operacioni për kapjen e personave të tjerë të shpallur në kërkim për ngjarjen e datës 9 prill është ende në vazhdim.
Ragip Hajdini rezulton me precedentë të ngjashëm penalë edhe në Kosovë, aty ku ka qenë i dyshuar për grabitjen e 25 kg flori nga Dhoma e Dëshmive në Policinë e Pejës, bashkë me 5 persona të tjerë në vitin 2012. Aktualisht, ai ndodhet në dhomat e paraburgimit në Policinë e Tiranës, i dyshuar për 3 vepra penale.
