Një ngjarje e rëndë ka tronditur vendin pasditen e sotme teksa një tjetër grabitje në rrugën e Rinasit ka përfunduar me viktima.
Persona të maskuar dhe të armatosur kanë grabitur makinën e blinduar me të cilën do transportoheshin paratë e një banke të nivelit të dytë. Dyshohet se janë grabitur 2 milion euro.
Grabitësit kanë mundur të depërtojnë deri në pistën nga ku do të ngrihej avioni. Sipas policisë, grabitësit thyen derën që përdorej nga zjarrëfikësit.
Mendohet se ka pasur rezistencë nga roja e makinës së blinduar dhe në shkëmbin zjarri njëri prej autorëve ka mbetur I vdekur në vend.
Duket se grabitja ishte e mirëmenduar duke nisur që nga furgoni I vjedhur që mbante mbishkrimin “hetim tatimor”, tek veshja e tyre ushtarake e deri tek armët, fishekët dhe tre granatat që iu gjetën viktimës. /AlpeNews.al
