Një banesë ra pre e grabitësve në fshatin Kameras të Krujës. Burime zyrtare të policisë bëjnë të ditur se 2 persona ende të paidentifikuar kanë marrë një shumë prej 800 eurosh në shtëpinë e një gruaje.
“Në fshatin Kameras, Krujë, 2 shtetas ende të paidentifikuar, janë futur në banesën e shtetases E. K., dhe i kanë marrë 800 euro. Shërbimet e Policisë, menjëherë pas marrjes së njoftimit, kanë shkuar në vendngjarje dhe vijojnë kontrollet për identifikimin dhe kapjen e autorëve.
Grupi hetimor, nën drejtimin e Prokurorisë, po punon për zbardhjen dhe dokumentimin e plotë të kësaj ngjarjeje”, thotë policia në një njoftim paraprak për ngjarjen.
