Lulzim Basha dhe Monika Kryemadhi gati dy javë më pare morën vendimin për djegien e mandateve të deputetëve, mandate të cilat ishin marrë nga zgjedhjet e 2017.
Zgjedhjet e 2017 të cilat u cilësuan si një marrëveshje e “17 majit” ku Basha pas qëndrimit 3 muaj në një çadër të improvizuar para kryeministrisë vendosi të dale dhe bëri një marrrëveshje me Ramën.
Basha hyri një zgjedhje dhe pësoi një humbje drastike bashkë me LSI-në duke kaluar të dyja si parti në opozitë.
Por krejt papritur Basha dhe Monika vendosën ti djegin mandatet. Kjo nuk ishte e re pasi Rudina Hajdari kishte paralajmeruar gjatë protestës së studentëve në dhjetor se PD-ja duhet ti djegë mandatet dhe duhet tu bashkohet studentëve. Gjatë asaj kohe ajo u sulmua ashpër, ku Basha tha se djegia e mandateve është një rrugë pa krye.
Pas dy muajsh ata vendosën vetë ti djegin mandatet duke iu drejtuar popullit me fjalët: Janë tuajat.
Por sot u pa një “goditje” e tretë politike e Azem Hajdarit, i cilësuar si “pishtari I demokracisë”. Vajzën e Azemit e përjashtuan nga partia Demokratike vetëm sepse nuk dogji mandatin.
Në një postim sekretari I përgjithshëm I PD-s Gaazment Bardhi tha se:
Vendimi i Rudina Hajdarit është personal. Mandati është i demokratëve! Është e qartë se nga sot ajo nuk përfaqëson më Partinë Demokratike në Parlamentin e Krimit dhe për pasojë nuk është më as anëtare e Këshillit Kombëtar të PDSH. Kaq mjafton! Në rastin e Rudina Hajdarit, çdo vendim statutor është i panevojshëm, sepse formalisht ajo nuk rezulton e regjistruar si anëtare e Partisë Demokratike.
Azem Hajdari ka qenë, është dhe do të mbetet simbol i demokratëve dhe historisë së Partisë Demokratike. Beteja dhe amaneti i tij për liri dhe demokraci është sot më aktual se kurrë, kur Shqipëria rrezikohet nga një Qeveri ilegjitime, kriminale dhe e korruptuar. Për këtë amanet të Azem Hajdarit foli Kiri Hajdari në protestën e 5 Marsit, përkrah demokratëve që dorëzuan mandatet e deputetëve.
Sakrifica sublime e Azem Hajdarit nuk do të shkojë dëm. Demokratët dhe qytetarët janë në këmbë për të mbrojtur Lirinë dhe Demokracinë, për të mos lejuar që shqiptarët të qeverisen nga krimi. Ata kanë folur qartë më 16 Shkurt dhe do të flasin edhe më qartë më 16 Mars: Shqipëria do të bëhet si gjithë Europa. Koha e Edi Ramës ka mbaruar!
Por çfarë deklaroi Berisha, 20 vjet pas vrasjes së Azemit për të bijën e tij, Rudina Hajdari në dhjetor të 2018-s.
Fjala e Berishës në dhjetor 2018 për Rudinën:
“Ajo është deputete dhe njëkohësisht e bija e Azemit, ndaj duhej të ishte parashikuar edhe fjala e saj atë ditë. Azemi është betuar dy herë në jetën e tij, më datën 8 Dhjetor dhe më 12 Dhjetor, dhe në të dy rastet u është drejtuar studentëve, duke u thënë se ‘më parë u fut thikën Kirit dhe Rudinës, sesa u tradhtoj juve’. Ajo nuk largohet nga Partia Demokratike, por është ‘e bija e të atit’ dhe genin e shprehjes së mendimit, ajo e ka tërësisht të Azemit, që ishte i jashtëzakonshëm”, deklaroi Sali Berisha.
Berisha ndryshoi mendim në një dalje të tijën në një emision televiziv ai tha se Rudina do të ketë të njëjti fat si Myslim Murrizi nëse nuk e dorëzon mandatin.
Përse është goditja e tretë politike e Azem Hajdarit? Sepse ashtu si e përjashtuan atë 25 vite më pare pasi binte në kundërshtim me politikën e kryetarit Sali Berisha, ashtu u përjashtua edhe e bija.
Në fjalimin e mbajtur asokohe në parlamentin shqiptar Azem Hajdari tha se: “Në rast se demokracia vjen në këtë mënyrë, mos ardhtë kurrë”.
Përgatiti: AlpeNews.al
