Mësohet se gjatë kontrollit të ushtruar në kioskën në pronësi të A. M., 44 vjeçe, kanë kapur në flagrancë shtetasin K. S., duke tregtuar duhan të grirë dhe cigare (puro) të dyshuara kontrabandë.
Gjithashtu, gjatë kontrollit të ushtruar në automjetet me drejtues shtetasit Sh. K., P. V. dhe F. E., shërbimet e Policisë kanë gjetur sasi duhani, cigare të llojeve të ndryshme dhe materiale për paketimin e duhanit, pa dokumentacionin përkatës.
Në cilësinë e provës materiale janë sekuestruar rreth 10 kilogramë duhan i grirë, dhjetëra pako me cigare të llojeve të ndryshme dhe materiale për paketimin e tyre.
Nën hetim janë K.S., 30 vjeç, A. M., 44 vjeçe, të dy banues në Shtoj i Ri, Sh.K., 46 vjeç, J. A., 40 vjeç, F.E., 62 vjeç, dhe P. V. 59 vjeç, banues në fshatin Guri i Zi, për veprat penale “Tregtimi dhe transportimi i mallrave që janë kontrabanë”, “Fshehja e të ardhurave“, “Moslëshimi i kuponit tatimor“, “Prodhimi i kundërligjshëm i artikujve dhe mallrave industriale dhe ushqimore“ dhe “Punësimi i paligjshëm”.
