Meqë u konsumua trendi i xhaketave të veshura, ose u bë shumë cliché le të themi, blogeret dhe influencueset e modës na mësuan një hile tjetër.
Sikurse dimri është një nga stinët që vishemi më me shumë shtresa, ndonjëherë mund të bëhet i mërzitshëm.
Ngaqë veshjet na përsëriten duke i përdorur shpesh, humbet dhe lezeti i të stiluarit.
Mjaft fotografë të specializuar për street style rekomandojnë që hera herës të provojmë ndonjë përplasje ngjyrash.
Përveçse dukemi stylish, kjo ndikon pozitivisht tek humori i ditëve me shi.
Dëgjoj shpesh vajza dhe zonja që thonë se “në dimër nuk ia vlen të merresh shumë me kombinime sepse nuk ti sheh njeri shtresat”, kështu këmbëngulin se vera është stina ideale në të cilën ia vlen të vishesh mirë.
Ja ku po ju them se dimri është po aq i gjatë sa stina e verës, dhe nuk ia vlen ta neglizhosh.
Është periudha më ideale edhe të eksperimentosh madje, sepse shtresat na e bëjnë të veshurin më argëtues. Mund të kombinoni jelek dhe këmishë, të dyja me printe të ndryshme, ose dy pulovra të holla, xhinse me sarafan, etj.
Le t`i kthehemi xhaketës. Ja pse është kaq interesante kjo mënyrë lidhjeje, sepse është një marifet i thjeshtë, por në fund dukemi sikur vijmë nga Londra./stelasallaku, tiranapost
