Gjykata e Shkodrës ka caktuar masën e sigurisë ‘arrest me burg’ për tre autorët e dyshuar të atentatit me moto-bombë në Shkodër, Endri Çopja, Ardjel Lulaj dhe Serxho Teta. Seanca u zhvillua nën masa të rrepta sigurie, ndërsa të arrestuarit janë lënë në burg.
Prokuroria përfaqësohet në gjykim nga prokurori i rrethit, Anton Martini, dhe zv/prokurori i Shkodrës. Autorët e dyshuar si atentator të të ‘fortit’ të Shkodrës, Lulzim Kulla, mbrohen në gjyq nga avokati Genci Gjokutaj. Prokuroria ka kërkuar caktimin e masës së sigurisë ‘arrest me burg’, kërkesë e cila është pranuar nga Gjykata e Shkodrës.
Autorët e atentatit u kapën tri ditë më parë, pas një aksioni të gjerë të Policisë së Shkodrës dhe Elbasanit, ndërsa këtë të diel pritet të njihen me masën e sigurisë.
Shtetasit Endri Çopja, Alger Lulaj dhe Serxho Teta janë shoqëruar sot në gjykatë nën masa të rrepta sigurie. Ndërkohë, atentati ndaj ‘të fortit’ të Shkodrës, Lulzim Kullës, ndodhi në muajin janar të këtij viti, ku ai mbeti i plagosur rëndë, si dhe morën lëndime disa kalimtarë të rastit.
