Rama duke folur nga aeroporti i Kukësit shprehu bindjen se nëse do të fitojë mandatin e tretë, do të zhbllokohet dhe sistemi i drejtësisë nga kriza.
Ai deklaroi se do të vihen përpara përgjegjsëisë të gjithë prokurorët e gjykatësit që kanë lejuar krimin gjatë këtyre 30 viteve në Shqipëri. gjithashtu Rama tha se Gjykatat janë kthyer si stacione tranziti ku hyjnë dhe dalin kriminelët sipas dëshirës së tyre.
“Mandati i 3 i yni është garancia që drejtësia do të funksionojë që të gjithë pa dallim do të japin llogari. Ku ka peshq më të mëdhenj në llumin 30-vjeçar të Shqipërisë mes atyre që u përfshinë me politikë. Duke lënë të lirë kriminelët që vranë bijtë e nënave. I bën gjykatat si stacione tranziti që futeshin nga një derë dhe dilnin nga dera tjetër. Ata që flasin dhe mendojnë se dinë ta bëjnë më mirë, le të vinë dhe të na bashkohen në skuadër. Ne do të bëjmë një skuadër me 140 persona. Kemi gjysma, dhe na duhet gjysma tjetër. Jemi të gatshëm të zëvendësojmë dhe gjysmën tonë me ata që mendojnë se janë të aftë. Nuk bëjmë komisione siç bëri Luli. Komisioni thotë se duhet të iki një person, Saliu thotë nuk vendos Komisioni. Kështu bëhen votimet në parti, ne nuk bëjmë kështu. Të gjithë këto kandidatura do t’i vlerësojë PS-ja, nuk do kemi struktura false. Urdhëroni, ecni ju mirëpresim. Jam unë dhe jemi të gjithë këtu” – tha Rama
