Gjykata e Tiranës ka shtyrë me 50 ditë të tjera afatin e masës “arrest në burg” për qellim ekstradimi të Nezar Seitit.Ky i fundit dyshohet si financier i grupit të Habilajve. Ai kërkoi shuarje të masës së sigurisë, për shkak të përfundimit të afatit 20 ditor, ndërkohë që shtyrja e re me 50 ditë është ankimuar në Apel.
Më herë ndaj Seitit janë dhënë dy masa me afat nga 20 dite për arsye ekstradimi dhe një masë “arrest në burg” për hetimin e tij nga Krimet e Rënda. Më herët Seiti ka shfaqur vullnetin për tu ekstraduar në Itali, ku kërkon të përballet me akuzat e trafikimit të drogës nga Shqipëria në drejtim të Italisë.
Sipas hetimeve të Prokurorisë së Katanias, Seiti është personi që shpërndante fitimet që vinin nga aktiviteti kriminal, jo vetëm mes anëtarëve të grupit “Habilaj”, por edhe bashkëpunëtorëve që ndihmonin në realizimin e trafikut të narkotikëve, apo armëve.