Ndonëse COVID-19 nuk kishte hyrë ende në Shqipëri, shefja e departamentit të Sëmundjeve Infektive, Silva Bino i drejtohej herë pas here qytetarëve teksa i bënte thirrje të mos krijonin panik.
Kjo pasi, edhe nëse koronavirusi do të vinte në Shqipëri do ta perballonim.
Menjëherë sapo kjo ndodhi e deri më sot disa nga figurat që kanë qetësuar shqiptarët orë pas ore duke i dhënë shpresë për ditet në vijim janë pikerisht këto “gjenerale të ushtrisë” së bluzave të bardha në Shqipëri.
Zv.ministrja e shëndetësisë Mira Rakacolli e njohur tashmë për durimin e qetësinë që percjell në të folur vështirë se ka dhënë deri më sot një mesazh të gabuar.
Edhe drejtoresha e Institutit të Shëndetit Publik, Albana Fico apo specialistja Eugena Tomini po ashtu na vërtetojnë se sa e rendesishme është që sot më shumë se kurrë të durojmë, presim e të zbatojmë rregullat.
Si të tilla, qendrojnë po aq të sigurta e të bindura në informacionet që përcjellin duke u bërë ndihmë e jo pengesë në proçes.
E fundit, por jo per nga rendesia sigurisht është edhe shefja e spitalit Infektiv Najada Çomo që qendron pas gjithçkaje e deri tani duket ta menaxhoj situatën në menyren e duhur.
E vërteta është se në fund të këtyre ditëve të vështira që po kalon e gjithë bota e Shqipëria optimizmi nga personat pergjegjës e specialistët është gjithçka na duhet.
AlpeNews.al
