Një varr i vitit 1933 është zbuluar ditën e sotme gjatë punimeve për sistemimin e rrugës në kodrën e Shtufit në Gjirokastër, e cila është shembur nga reshjet.
Punojësi i bashkisë shprehet se nuk dihet se kujt i përket ky varr, por do të bëjnë zhvendosjen e tyre sipas ligjit me qëllim që punimet të vazhdojnë.
Bashkia do të bëjë zhvarrim sipas ligjit dhe nëse ka eshtra ato do të dërgohen në varrezat publike të qytetit.
“Ky varr dihej, ishte i identifikuar që gjendej këtu tek ky pozicion, po për ne është i paidentifikuar për faktin se nuk ka dokument se kujt i përket”.
Një fond prej më shumë se 70 milionë lekësh pritet të rikthejë në identitet rrugën e shembur nga gërryerjet për shkak të reshjeve në fillim viti. Banorët shpresojnë që së shpejti lagja, shtëpitë dhe rruga e tyre të jenë të sigurta.
