Bujar Çela, vëllai i një prej grabitësve të Rinasit, Talo Çelës, është ekzekutuar me armë zjarri mëngjesin e sotëm në rrethrrotullimin e Bradasheshit, në Elbasan.
Menjëherë drejt vendngjarjes kanë shkuar forca të shumta Policie, si dhe Forcat Speciale RENEA e FNSH nga Tirana, të cilat kanë nisur krehjen e zonën për të bërë të mundur kapjen e autorëve. Nga kërkimet, në fshatin Murrash është gjetur pak më parë një mjet tip Renault me targa AA 876 DC, tërësisht i djegur.
Mendohet se makina u përket autorëve të ekzekutimit të Bujar Çelës, i vrarë në orën 05.45 të mëngjesit të sotëm në hyrje të një lokali te rrethrrotullimi i Bradasheshit.