Shfaqja e Victoria’s Secret, e cila do të zhvillohet në Shangahi, ditën e martë, më 21 nëntor, është përballur me një problem të madh. Gigi Hadid, e cila ishte planifikuar të ngjitej në pasarelë së bashku me motrën e saj Bella Hadid, nuk do mund të marrë pjesë në këtë event në Kinë.
Përmes një postimi të bërë në rrjetin social “Twitter”, modelja 22-vjeçare ka lajmëruar se nuk do të parakalojë në pasarelën e këtij eventi, po ajo nuk ka shpjeguar arsyet e kësaj mungese.
Megjithatë, “Page Six” raporton se bukuroshja bjonde, së bashku me disa modele të tjera, janë të ndaluara të futen në Kinë, si pasojë e disa postimeve të bëra në rrjetet sociale, të cilat janë cilësuar si ofenduese për këtë vend.
