Presidenti i SHBA-së, Donald Trump, zhvilloi një bisedë telefonike me homologun e tij turk Reccep tayip Erdogan, ku në fokus të diskutimit ishte situata e përshkallëzuar në Rripin e Gazës.
Sipas njoftimit zyrtar nga zyra e presidencës turke, Erdogan i tha Trump-it se vizita e tij e fundit në Uashington, më 25 shtator, shërbeu për forcimin e marrëdhënieve midis dy vendeve dhe për thellimin e bashkëpunimit, veçanërisht në fushën e industrisë së mbrojtjes.
Erdogan është shprehur se Turqia mirëpret çdo nismë për paqen në nivel rajonal, por ka theksuar se ndalimi i sulmeve nga Izraeli është thelbësor për suksesin e këtyre përpjekjeve.
“Turqia ka intensifikuar përpjekjet e saj diplomatike për paqe dhe do të vazhdojë të kontribuojë në perspektivën globale të stabilitetit,” thuhet në deklaratën zyrtare.
Gjatë bisedës, dy liderët diskutuan edhe mbi marrëdhëniet dypalëshe Turqi–SHBA dhe u ra dakord për domosdoshmërinë e bashkëpunimit më të ngushtë në kontekstin e zhvillimeve të fundit në Lindjen e Mesme.
