Bota e madhe teknologjike për telefonët celularë vitet e fundit është karakterizuar nga shumë trende dhe ide, por jo të gjitha janë realizuar. Një “fiksim” i përdoruesve është telefoni me ekran me palosje, i prezantuar në video nga kompani të ndryshme, por kurrë i realizuar.
Epo, kjo ditë po vjen! Siç raporton “PC World”, ZTE e ka prezantuar një të tillë, ndërsa Samsung po punon gjithashtu për realizimin e një produkti spektakolar. Gjithsesi, puna nuk ndalet me kaq, sepse edhe Huawei ka të njëjtin plan.
Shefi i grupit të konsumatorëve të kompanisë, Richard Yu, konfirmoi se Huawei është duke investuar fuqishëm për t’u servirur të gjithëve një telefon me ekran me palosje. Pritet që gjithçka të jetë gati në fillimin e vitit tjetër.
Huawei është prodhuesi i tretë më i madh në botë dhe synon të rritet akoma më shumë sidomos në Shtetet e Bashkuara të Amerikës.
