E teksa numërimi i kutive vijon, dy kandidatët për kreun e Bashkisë së Himarës, Jorgo Goros dhe Fredi Beleri janë duke “luftuar dhëmbë për dhëmbë”.
Deri më tani janë numëruar 23 kuti votimi nga 36 në total, nga të cilat në avantash me një diferencë prej 67 votash është kandidati i koalicionit ” Bashkë Fitojmë”, Fredi Beleri.
Sipas të dhënave paraprake të marra nga KQZ rezulton që Jorgo Goros ka 2504 vota, ndërsa Beleri 2571, rezultat i cili mund të ndryshojë nga momenti në moment.
Ndërkohë më herët në këtë bashki pati dhe incidente mes mbështetësve të kandidatit socialist me ata të kandidatit të koalicionit “Bashkë Fitojmë” , Fredi Beleri.
